الحب مش فضيحة ولا عيب ..الحب هو الحاجه الوحيدة اللى بتثبت إنك لسه إنسان..
لو بتحب أهنئك..أنت إنسان أصل إيه فايدة القلب لو مزودنهوش بالحب..لوكنت فاكر إنك عايش عشان قلبك بيدق تبقى غلطان ممكن قلبك يدق عادى جدَا بس الأكيد إنك هتكون ميت لو مبتحبش..
الحب كمان مفيهوش أنواع وتصنيفات ..يعنى إيه أقول لحد بحبك أتبعها بجملة تانية زى "زى أخويا..زى أختى" مين قال أصلاً إن الأخوة مرتبطة بالحب ..أخوة صلة دم...لكن الحب صلة روح.
نرجع مرجعنا ..ليه بكون مضطرة أبرر حبى لحد قدام الناس..وفيها إيه لما أقول لحد بحبك وبس ..من غير بس وزى ولكن .
الحب شعور وإحساس مش محتاج تفسير..أفسر ليه وإزاى إنى لما بشوف حد بكون مبسوطة..اشرح إزاى كلمة أنا قلبى طاير..وليه أبرر سعادتى بلقا شخص وإنى شيفاه مبسوط.
الحب إحنا اللى بنخنقه لما بنشوفه عيب..بنقتله لما بنعتبره فضيحة..وبندفنه لما بنكتمه جوانا ومنقولش للى بنحبه..
عشان كده قررت إنى لما أحب حد هقوله " بحبك" ومش هابرر وافسر أشرح وأوجع دماغى ولو مقولتهاش صراحة، هقولها بتصرفاتى ومش هاتكسف منها وأداريها
أيوه بحب ومش مكسوفة...فأنا أحب ..إذًا أنا إنسان :)
الحب هو المفتاح السحري لكل ابواب السعادة تعبر عنها عيون العشاق لانها لا تجد كلمات تكفي للتعبير, فهوالوان طيف المشاعر والاحاسيس يؤرجح العشاق في نشوي السكاري. اما اذا كُتم خوفآ او خجلآ يموت في مهدة ولا يري النور.
ردحذف